Бичлэг тандагчYхэр хэмээх хивэгч амьтны ертөнц дэх хамгийн нүсэр амьтан - Belgian Blue үхэр
2012-04-12,01:22
Belgian Blue хэмээх үхэр нь Бельги улсаас гаралтай махны чиглэлийн үүлдэр юм. Belgian Blue-White, Belgian White and Blue Pied, Belgian White Blue, Blue, Blue Belgian гэх зэргээр нэргддэг энэ үхэрний нэрний хувьд ерөнхийдөө хөх саарлаас эхлээд цагаан хар гэхчилэн янз бүр байдаг зүснээс нь хамааран дээрх нэрнүүдээр нэрлэгддэг. 19-р зууны хоёрдугаар хагаст Нэгдсэн Вант Улсын сүүний чиглэлийн Shorthorn үүлдрийн үхрийг Бельги рүү авчирсан нь энэхүү булчинлаг үүлдэр бий болох эх сурвалж болсон ба Францын махны чиглэлийн Charolais үүлдэртэй эрлийзжүүлснээр бий болжээ. 1960 оныг хүртэл сүүний чиглэлээр хөгжүүлэгдэж байсан Belgian Blue үхэр нь дундаж хэмжээний сүү болон дундаж хэмжээний хар махны үүлдэр байсан боловч сүүлдээ эдийн засгийн ерөнхий байдал болон махны хэрэгцээнээс шалтгаалан махны чиглэлийн үүлдэр болж хувирсан байна. Ер бусын том булчингууд нь өөх тос багатайгаас гадна маш зөөлөн байдаг болохоор махны чиглэлийн маш алдартай үүлдэр болж чаджээ. "Double muscling" гэдэг нэр томьёотой холбогддог Myostatin хэмээх уургийн нэгдлийг биедээ агуулдаг нь түүний энэ аварга булчинтай болох гол эх үүсвэр бөгөөд үүнийг хүмүүс булчин бүр нь хоёр байдаг гэж ойлгодог нь өрөөсгөл юм. Булчин бүрийн хэмжээнд хамааралтай энэ нэр томьёо нэг булчингийн өсөлт хөгжилтийг илэрхийлдэг ба Belgian Blue үүлдрийн үнээ болон бухнуудын булчин бусад энгийн үнээ, бухныхаас дор хаяж хоёр дахин илүү хөгжсөн, том байдаг байна. Амьтны ертөнцийн Arnold Schwarzenegger гэгддэг энэ үүлдрийн зарим бүх нэг тонн хүртэл жин татах нь бий.
